O presidente do PP galego e candidato á reelección como presidente da Xunta, Alberto Núñez Feijóo, revelaba esta mañá na súa conta de Twitter os nomes das persoas que conformarán a lista do partido na provincia de Lugo.
A candidatura, tal e como xa se anunciara, estará encabezada polo actual conselleiro de Economía, o monfortino Francisco Conde. Como número dous figura Encarna Amigo e no posto número tres atópase a actual delegada territorial da Xunta na provincia, Raquel Arias. Aínda en postos de saída, no posto número catro está o até o de agora deputado no Parlamento galego José Manuel Balseiro.
Outros nomes destacados son o da secretaria xeral de Igualdade, Susana López Abella que ocupa o posto número seis da lista e o do actual voceiro do PP no Concello de Lugo, Jaime Castiñeira, no sétimo lugar.
