Dúas persoas resultaron feridas en Vilalba despois de caer polo oco dun ascensor. As vítimas precipitáronse dende unha altura duns tres metros. Os feitos tiveron lugar nun edificio da Avenida da Terra Chá.
Os Bombeiros de Vilalba encargáronse de rescatar as dúas persoas. Foron evacuadas polos efectivos sanitarios a un centro hospitalario. Segundo se lle indicou ao 112, as súas feridas non revisten gravidade.
O 112 Galicia tivo coñecemento do ocorrido ás 13:10 horas de hoxe, a través dun aviso de Urxencias Médicas. Pola súa banda, dende a central de emerxencias do 112 alertouse aos Bombeiros de Vilalba, a Protección Civil, á Policía Local e á Policía Nacional.
