Ferido o condutor dunha furgoneta tras saírse da vía en Pantón

O condutor dunha furgoneta resultou ferido esta tarde en Pantón despois de que o vehículo no que circulaba rematase fóra da vía tras dar varias voltas de campá.

Segundo se lle indicou ao 112 Galicia, o home tivo que ser liberado polos Bombeiros de Monforte, ao quedar nunha situación difícil a furgoneta sinistrada, para que puidese ser atendido polos efectivos de Urxencias Sanitarias de Galicia-061.

O accidente ocorreu no punto quilométrico 531 da N-120, ao fío das 17:15 horas.

Nada máis ter constancia dos feitos a través do persoal sanitario, desde o CIAE 112 Galicia requiriuse a intervención dos Bombeiros de Monforte, da Garda Civil de Tráfico e do servizo de mantemento da estrada.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo