Ferido un home ao saírse da vía o coche no que circulaba en Xermade

O condutor e único ocupante dun turismo resultou ferido esta mañá despois de que o coche no que viaxaba rematase fóra da vía e batese contra o muro dunha casa en Xermade. Para liberar ao home accidentado, os Bombeiros de Vilalba fixeron uso do material de excarceración. Segundo se lle indicou ao 112 Galicia, unha vez liberado, o home ferido foi atendido polos servizos sanitarios desprazados e posteriormente trasladado ao Hospital Universitario Lucus Augusti.

O accidente tivo lugar na Lagoa, na parroquia de Burgás, ao fío das 12:20 horas. Foi, nese momento, cando unha persoa particular daba conta do sinistro ao 112 Galicia e, axiña, o persoal do CIAE 112 Galicia puxo a situación en coñecemento de Urxencias Sanitarias de Galicia-061, dos Bombeiros de Vilalba, da Garda Civil de Tráfico e dos membros da Agrupación de Voluntarios de Protección Civil de Xermade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com