Complicados compromisos os que deberán enfrontar os equipos do Arenal Emevé esta semana, que se verán as caras con dúas dos mellores equipos das súas respectivas ligas.
As Loitadoras regresan á competición despois do partido aprazado a semana pasada polos positivos en COVID 19 detectados dentro do persoal. Con todas as xogadoras en perfecto estado, fóra de Na Ebi Obi que segue o seu proceso de recuperación da súa lesión no xeonllo, as de José Valle terán como primeiro rival de 2022 a un dos equipos máis en forma da liga Iberdrola: Kiele Socuéllamos. As manchegas só perderon en tres ocasiones no que vai de tempada e chegan a Lugo con ganas de desquite, xa que o Arenal Emevé coa súa vitoria por 2-3 na primeira volta foi o primeiro conxunto que logrou derrotalas.
O técnico de Abadín sinala ao seu rival deste sábado como “moi complicado. É un equipo que está aí por méritos propios, son moi rochosas, con moita experiencia, que está a render moi ben individual e colectivamente”.
Pola súa banda o conxunto masculino viaxa ata unha das canchas máis complicadas de toda a Superliga: a de Guaguas Gran Canaria. O de Diego Taboada buscarán melloras as sensacións tras a primeira derrota do ano #ante Soria fronte ao persoal con máis potencial de todo o campionato. Os canarios, que actualmente tamén disputan a CEV Cup, arrincaron 2022 en plena forma tras arroiar a Palma por un contundente 3-0.
O técnico dos lucenses quere que os seus afronten o partido con descaro “porque, aínda que sexa un equipo que non xoga na nosa liga, aquí na ida sufriron moito e só un par de erros arbitrais impedíronnos puntuar entón”. Taboada espera que o seu equipo “recupere o ton físico neste partido porque logo vén o bo, os duelos onde nos xogaremos o noso obxectivo, e teremos que estar ben”, conclúe.
