Esta noite terá lugar a gala de entrega dos premios Milagrosistas do ano, que cada ano entrega a Asociación de veciños, comerciantes e industriais do barrio da Milagrosa e recoñece a 21 persoas destacadas no eido da política, o mundo empresarial ou as artes.
Entre os galardoados este ano están o presidente da Deputación de Lugo, Darío Campos, o conselleiro de Economía, Francisco Conde, ou os concelleiros Miguel Fernández, Ana Prieto e Santiago Fernández Rocha.
Os premios celebran este ano a súa vixésimo sexta edición e agárdase que ao evento acudan preto de 500 persoas. Todos os premiados recibirán como recoñecemento unha figura de Burelarte.
