" />

Imputado por delito de desobediencia grave a axentes da autoridade o gorrilla atropelado no “leiraparking”

A policia imputa por delito de desobediencia grave a axentes da autoridade ao gorrilla que na mañá do pasado mércores día 9 de novembro, fora atropelado no “leiraparking” do Hula.

Na maña do mércores os axentes estableceron un dispositivo especial na contorna do HULA para combater a actividade ilegal de aparcacohes, onde efectivos da Unidade Territorial de Policía de Barrio da Policía Local de Lugo empregaron vehículos policiais rotulados e camuflados, detectando a CATRO persoas de 47, 42, 26 e 23 anos de idade, ocupando a calzada para indicar ás e aos condutores prazas libres de estacionamento, co consecuente risco para a súa integridade física e para o resto de usuarios, causando molestias innecesarias.

Os axentes proceden á súa identificación e formulan denuncias por infracción á Ordenanza de Circulación, ordenándolles que cesen nesta conduta. Momentos máis tarde detéctanse outra vez a estas persoas realizando os mesmos labores, polo que se levanta acta de denuncia por infracción á Lei de Seguridade Cidadá por desobediencia aos axentes da autoridade, apercibíndolles que de persistir podería ter consecuencias máis graves.

A media mañá un equipo de Atestados do Corpo trasládase ao aparcamento coñecido como “leiraparking”, situado na rúa Doutor Ulises Romero, xa que se produciu un atropelo, comprobando os axentes que no devandito lugar áchanse as catro persoas anteriormente identificadas, realizando a mencionada actividade ilegal e que, como consecuencia de realizar tal conduta, un deles fora atropelado, xa que coas súas accións poñen en grave risco a seguridade viaria e ás persoas usuarias da vía.

Así mesmo compróbase que a persoa atropelada foi denunciada no que vai de ano en 10 ocasións, evidenciando un desprezo total polas ordes que se lle dan para que cesamento na actividade ilegal de aparcacoches, quedando acreditado que esa conduta que desenvolven na calzada ponos en grave risco e tamén ao resto de persoas usuarias da vía, motivo polo cal se instrúen dilixencias para o Xulgado de Garda por un presunto delito de desobediencia grave a axentes da autoridade, non só á persoa que foi atropelada, senón tamén aos tres compañeiros que o acompañaban e que reincidían nesta conduta.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo