Hoxe inaugurouse no Vello Cárcere a exposición ‘Conciencia dunha tradición”, unha mostra da olería Olaría do concellos de Samos Mondoñedo, Bonxe e Gundivós’ que estará aberta ata o 17 de maio, unha selección de 250 pezas de cerámicas singulares e de uso cotiá na casa galega, producidas nos centros devanditos obradoiros dos oleiros máis importantes da provincia.
A exposición reflicte as semellanzas e as diferenzas entre as pezas que se fixeron nos catro centros artesanais que coexistiron na provincia de Lugo. Asemade a mostra inclúe paneis informativos que proporcionan a máxima información a todas aquelas persoas que se acheguen a visitar a exposición.
‘Conciencia dunha tradición. Olaría de Samos, Mondoñedo, Bonxe, e Gundivós’ dispón tamén dunha reportaxe fotográfica onde se recollen todos os elementos non musealizables asociados ao oficio de oleiro, como camiños ou fornos, así como fotos das persoas que desempeñaron o oficio.
Ao acto asistiron, entre outros, o coordinador da exposición Hixinio Flores, a alcaldesa de Samos,María Jesús López e a Concelleira de Lugo Cristina López.
