O Belén de Begonte, declarado de Interese Turístico Galego e que celebra este ano o seu cincuenta aniversario nesta vila chairega foi inaugurado este venres a tarde. O acto ao que asistiu o presidente da Xunta de Galicia, Alfonso Rueda, que resaltou a súa singularidade e
orixinal sistema de animación que fai que se teña convertido nun referente do Nadal galego. Así, salientou que “o Belén de Begonte transcende a súa orixe relixiosa e forma parte do patrimonio cultural de Galicia, ata o punto de que atrae cada ano ao redor de
40.000 visitantes”.
Rueda salientou “o traballo en equipo de toda a veciñanza, que cada ano fan novas pezas de xeito voluntario; a aposta pola tradición e innovación que se percebe na actualización do seu mecanismo de funcionamento e o interese por seguir mellorando e actualizándose”.
