Jaime de Olano participou na segunda das entrevistas de Xornal de Lugo. A economía, o emprego, as comunicacións e ata o conflito territorial, todos estes temas centraron a conversación co cabeza de lista ao Congreso polo Partido Popular.
De Olano criticou as verbas do Ministro de Fomento en funcións, José Luis Ábalos, que asegurou que Lugo tería infraestruturas para a alta velocidade ferroviaria no 2021. Segundo o popular, pola falta de execución dos orzamentos estatais “non se vai cumprir o cronograma” para poder gozar do AVE en Lugo nas datas previstas.
