Pedro Sánchez anunciou que este “2024 vai ser o ano do cambio político en Galicia” durante a convención política celebrada hoxe en Santiago baixo o lema “Agora Camiña Galicia” e onde arroupou ao candidato do PSdeG á presidencia da Xunta, José Ramón Gómez Besteiro.
Durante a súa participación no acto, Sánchez sinalou que “lle ofreceu un posto de ministro a Besteiro, e que o líder dos socialista rexeitou “porque aspira a ser presidente da Xunta de Galicia”.
Pedro Sánchez tamén criticou que o presidente da Xunta, Alberto Núñez Feijóo, rexeitase o uso das linguas cooficiais no Congreso e felicitou a Besteiro por ser o primeiro en usar a lingua galega no Congreso dos Deputados.
Pola súa parte, José Ramón Gómez Besteiro, reivindicou ao PSdeG como “a única alternativa real e viable” e sinalou “hoxe estou disposto a sacar a mellor versión de Galicia, ofrecer unha nova senda pola que se poda camiñar, onde rompamos con esa inercia para construír o país que os galegos merecen”.
