" />

Judo Club Lugokan colleita 5 metais no Campionato Galego Escolar

O pasado sábado, 18 de setembro, disputouse o Campionato Galego en idade escolar no Polideportivo Municipal de Lugo. O Judo Club Lugokan presentaba a 11 deportistas dos 13 que tiña rexistrados, tras as baixas de última hora por lesión de Manuel Villaravid e Marian Alexandru Neblea.

En categoría sub15, presentamos un novo pero duro equipo, obtendo Lida Trabado a prata en 44 Kg; Laura Montaña a prata e Clara López o bronce en 48 Kg; Luna López o bronce en 57 Kg; e Samuel Miñambres o bronce en 60 Kg. Tamén participaron sen coarse en posicións de podio Eduardo Vila e César Castedo en 66 Kg, e Diego Pagán e Enrique Rodríguez en +66 Kg.
Pola súa banda, en categoría sub18 participaron Aarón Pérez en 66 Kg e Alejandra Orozco en 70 Kg, obtendo esta última un meritorio 5º lugar nunha dura categoría.

Cabe destacar que para a realización da competición realizáronse test de Covid-19 a todos os participantes e adestradores, e cumpríronse todas as medidas de prevención decretadas polas autoridades sanitarias, como a ausencia de público nas bancadas.
Desde o club lucense valóranse moi positivamente estes resultados, xa que foi a primeira competición oficial para estas categorías desde o inicio da pandemia e a primeira competición na categoría para moitos dos seus deportistas. A próxima cita para o equipo lucense será o próximo 9 de Outubro na Copa de España de Vigo, de onde sairá o equipo que representará a Galicia no Campionato de España en Madrid a principios de Decembro.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo