A sexta vaga da covid segue remitindo en Lugo e faino con boas novas tamén no relativo aos positivos diarios. E é que, por primeira vez dende o pasado 21 de decembro, a área sanitaria de Lugo, A Mariña e Monforte, baixou do centenar de positivos detectados nun día.
Así, segundo os datos ofrecidos polo SERGAS, Lugo conta hoxe con 2.238 casos activos, 245 menos que un día antes. Unha rebaixa que vén dada tamén por un mantemento das altas médicas, que nas útlimas horas chegaban ata ás 49.364, dende o inicio da pandemia. A esto hai que sumar ese descenso importante de positivos que se cifraron onte en 93, a cifra máis baixa dende o decembro pasado.
Con todo, a presión asistencial continúa a amosar un importante número de ingresos. Nas últimas horas, no total dos hospitais da provincia rexistrábanse 52 pacientes covid ingresados, 5 máis que un día antes. A boa nova a este respecto é que todos se atopan en unidades convencionais de hospitalización e que a UCI continúa baleira.
Por hospitais, o Hula sumaba catro pacientes e chega ata os 35, o Hospital da Costa sumaba un e chegaba aos 10, un máis que na xornada anterior, e o de Monforte, conta con 7 pacientes, os mesmos que un día antes.
A outra boa nova e que Lugo non rexistrou ningún falecemento relativo á covid, e mantense con 310 falecidos dende o inicio da pandemia.
