Con 30 casos activos por Coronavirus na área sanitaria de Lugo, mantense o mesmo número de casos que onte, segundo informa a Dirección Xeral de Saúde Pública da Consellería de Sanidade, na súa última actualización.
O número de casos activos de Covid-19 en Galicia é de 515, 9 menos ca onte. Deles 113 son da área da Coruña, 30 da de Lugo, 43 da de Ourense, 16 da de Pontevedra, 193 da área de Vigo, 107 da de Santiago, e 13 da de Ferrol.
Do total de pacientes positivos, 1 permanece en UCI, 19 están en unidades de hospitalización e 495 no domicilio. Polo de agora, en Galicia hai un total de 10.252 persoas curadas, rexistrándose 618 falecementos.
O número de PCR realizadas é de 151.390.
