Lugo Monumental reclama a reparación dos bancos do casco histórico

A asociación Lugo Monumental rexistrou esta mañá un escrito dirixido ao Concello de Lugo no que solicita que leve a cabo unha reparación e a restauración dos bancos do casco histórico.

Tras o inverno, segundo considera esta agrupación, é imperativo que os lugares de descanso que hai na zona amurallada estean nas mellores condicións, xa que, explican, “son moitos os lucenses que co bo tempo saen a pasear e precisan de lugares onde facer un alto, e de forma gratuita”.

Pero aí non queda a cousa, en palabras da asociación tamén precisan “dunha posta a punto” outros mobiliarios urbanos como farolas ou papeleiras. Para Lugo Monumental, o máis “acuciante” é  a restauración dos bancos xa que o seu mal estado impide o seu “uso normal”, o que non ocorre con outros elementos cuxas deficiencias son cuestión de “estética”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com