Lugo xa ten representantes para os IV Xogos Romanos das Cidades Augusteas

Lugo xa ten representantes para competir nos IV Xogos Romanos das Cidades Augusteas da Gallaecia, que acollerá a cidade o vindeiro 26 de maio. A fase luguesa disputouse este sábado, en xornada de mañá, na Casa da Xuventude. Esta actividade enmárcase na programación do Arde Lvcvs Cvltvral, organizada polo Concello en colaboración coas asociacións de recreación histórica da cidade, co obxectivo de quentar motores para o Arde Lvcvs.

A Concelleira de Cultura, para a que estes xogos supoñen unha oportunidade de celebrar unha xornadas de convivencia entre as dúas cidades augusteas, entregou os premios ás nenas e nenos gañadores da fase luguesa. Ademais todos os participantes recibiron un diploma.

Os Xogos Romanos, dirixidos aos centros educativos, favorecen o razoamento lóxico matemático, o afianzamento da concepción espacial e a introdución de conceptos como a identidade histórica e o patrimonio cultural dos participantes. Engloban distintos xogos de taboleiro: o Ludus Latrunculorum, o xogo do soldado; o Merellus, o xogo do muíño e o Seega.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com