A plataforma cidadá Lugonovo vén de convocar un concurso de fotografía baixo o nome Vexo, vexo… co que chama á poboación luguesa a compartir imaxes da nosa idade e de todo o termo municipal cun ollar crítico sobre a situación destes. Poderán concorrer no concurso fotografías que ilustren casos de desfeitas en edificios, no patrimonio cultural ou na paisaxe, entre outros, así como danos no mobiliario urbano, contaminación e lixo na rúa e outros tipos de situacións e problemas frecuentes.
Con esta iniciativa, que se prolongará durante todo o mes de maio e até o día 3 de xuño, Lugonovo pretende concienciar á cidadanía sobre o estado da cidade e corresponsabilizala nas reclamacións duns espazos comúns dignos e acaídos. O xurado, externo á plataforma cidadá e formado por profesionais competentes nas artes fotográfica e urbanística, fará público o seu fallo durante o mes de xuño.
As persoas premiadas recibirán unha fotografía de Miguel Fraga e o libro Arquitecturas Debuxadas”de Santiago Catalán, así como unha copia impresa e enmarcada da súa fotografía. As bases completas do concurso poderán ser consultadas na páxina web de Lugonovo.
