Seguen as reunións da plataforma cidadá Lugonovo con veciños dos diferentes barrios de Lugo, hoxe, o candidato á alcaldía Santiago Fernández Rocha reuniuse coa Asociación de veciños de As Gándaras (Gatos Roxos) para expoñerlles o programa de Lugonovo no que se inclúe a creación dun Consello Municipal de barrios. Esta medida foi moi ben acollida por parte dos membros da asociación, que amosaron a súa decepción pola situación na que se atopa o barrio, tanto a nivel de servizos como de infraestruturas e achacaron estas deficiencias aos retrasos reiterados que se están a producir nas obras do Plan Paradai.
Fernández Rocha declarou que se Lugonovo chega ao goberno municipal os barrios da periferia terán a mesma atención e servizos que os do centro da cidade.
