O Presidente da Deputación, Darío Campos Conde, asistiu, este sábado a entrega de trofeos do 63 descenso Internacional do Miño. Esta cita reuniu a máis de 300 padexeiros, 270 embarcacións e 30 clubs de toda Galicia. Trátase da segunda proba máis antiga do piragüismo nacional, e contou con saídas dende Rábade e Ombreiro, e as metas no propio club lucense, o Club Fluvial. A proba tivo dous percorridos, o primeiro de 17 quilómetros no que competiron homes e mulleres das categorías de xuvenil, sénior e veterán das modalidades K1, K2 e C1. O segundo percorrido os cadetes, tanto nas categorías feminina como masculina, e tamén nas modalidades de K1, K2 e C1 descenderon 8 quilómetros.
