Diante da realidade, non se pode facer máis que buscar solucións. Así o fixeron Manu Chao e a Sala Tebras que, tras ver como as entradas para o acústico do artista francés esgotábanse en poucos días, tomaron a decisión de fixar unha nova data no calendario para todos aqueles seguidores que se quedaran sen poder mercar entradas.
Así, ‘El Chapulín Solo’, como se fai chamar o propio artista, tocará na Sala Tebras o día 13 de marzo, como estaba previsto; pero tamén o fará dous días despois, o 15 de marzo.
Os horarios e os prezos das entradas manteñense iguais nos dous casos. Así, o concerto comezará ás 21 horas, sendo a apertura de portas unha hora antes.
No tocante ao prezo, será igual que ata o momento, de 20 euros máis gastos de xestión. Con todo, se quedaran algunha para o día do concerto, en billeteira poderánse adquirir por 25 euros.
Dende a Sala informan ademáis que o día 13 non haberá posibilidade de adquirir entradas en billeteira.
