" />

Mariña Patrimonio organiza un ciclo de conferencias sobre o patrimonio inmaterial do mar

A asociación Mariña Patrimonio organiza un ciclo de conferencias coas que pecha as actividades culturais que levan organizado ao longo deste ano baixo o título Escoitando o mar. Así, o vindeiro venres, día 20 de decembro, comezarán as xornadas coa conferencia Foula de prata: a bordo da tradición oral marítima que corre a cargo do secretario da Sociedade Antropolóxica Galega (SAGA), Miguel Losada e Enrique Blanco, exdirector do CEIP Noia.

O 26 de decembro, Anxo Muíños, escritor e patrón de pesca, falará sobre Mitos do mar: o alén dos barqueiros e, ao día seguinte, a conferencia A onomástica naval na Galicia de antano: unha odisea relixiosa, cultural e afectiva do profesor da Universidade da Coruña, José Manuel Vázquez Lijó, pechará estas xornadas que terán lugar no Museo do Mar de San Cibrao e que contan coa colaboración da rede Museística Provincia e a área de cultura da Deputación.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo