" />

Medio Ambiente intensifica os operativos específicos de limpeza da cidade cun aseo exhaustivo de prazas e beirarrúas

A área de Medio Ambiente está a intensificar, dende que comezou o ano, os operativo específicos de limpeza da cidade levando a cabo, tamén, un aseo exhaustivo de beirarrúas e prazas.

dispositivo, composto por dúas brigadas, provistas de material suficiente ás que se dotou de hidrolimpadoras e fregadoras, están a acometer o lavado a alta presión do pavimento, para retirar a sucidade incrustada, ao tempo que se eliminan pintadas e malas herbas.

Até o momento, os operarios executaron o acondicionamento das rúas Vilalba, Narciso Peinado, Menorca, López Guntín, Carril dos Loureiros da praza do Camiño Primitivo, estando previsto que nos próximos días se centren no Casco Histórico, especialmente na contorna da Catedral ou no treito peonil da Rolda da Muralla para desprazarse, a continuación, á Praza do Castiñeiro”, explicou o concelleiro titular  da área.

O edil destacou que “se trata dunha intervención que se suma ás campañas especiais de limpeza que se desenvolven de xeito específico polos diferentes barrios da capital e coas que dende o Executivo pretendemos reforzar o coidado e mantemento ordinario do municipio. Un esforzo que se manterá até que entre en vigor o novo contrato – adxudicado esta mesma semana – para o servizo onde xa se contempla un incremento non só das dotacións, se non tamén do persoal e dos labores que inclúe. O que, á súa vez, redunda na imaxe xeral que ofrece Lugo e na súa habitabilidade e confort para a veciñanza”, concluíu o edil de Medio Ambiente.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo