" />

Medio Rural achega 30M€ aos concellos lucenses para a mellora de vías rurais entre 2013 e 2020

A Consellería de Medio Rural destinou para o período 2013-2020 preto de 30 millóns de euros en axudas dirixidas aos concellos da provincia de Lugo para a mellora de estradas, pistas e camiños de titularidade municipal.

O delegado territorial, José Manuel Balseiro, enmarcou estes apoios dentro da “aposta clara e decidida da Xunta a favor do rural galego” e, en particular, no fomento daquelas iniciativas que melloran e facilitan a comunicación e accesibilidade das parroquias do rural.

“Son camiños de titularidade 100% municipal, pero a Xunta financia estas obras porque unhas vías en bo estado melloran as condicións, a calidade de vida e o traballo no medio rural. Fan máis áxil e doado o tránsito de maquinaria ás explotacións agrarias e gandeiras, e contribúen a fixar poboación”, explicou Balseiro.

En concreto, a administración autonómica destinou 24,1 millóns de euros repartidos entre os 67 concellos lucenses con cargo aos correspondentes plans de mellora de camiños rurais executados entre 2013 e 2019 e, neste momento, está en prazo de solicitude unha nova convocatoria deste programa, correspondente ás anualidades 2019-2020, por valor de 4,1 millóns de euros adicionais.

“Os gobernos locais terán ata o 28 de febreiro para presentar a súas solicitudes”, lembrou Balseiro, quen destacou que, a diferenza dos plans doutras administracións, “aquí son os municipios os que, en uso da súa autonomía deciden que estradas ou camiños queren mellorar con cargo a achega da Xunta”.

O delegado destacou tamén que o reparto destes fondos responde a criterios obxectivos, pactados entre Agader e a Federación Galega de Municipios e Provincias (Fegamp). “Estableceuse unha contía base fixa por concello de 15.000 euros, que suma cantidades adicionais en función de conceptos como o número de habitantes, a superficie, o peso do agro así como o grao de envellecemento ou despoboamento de cada localidade”.

O importe mínimo para cada unha das actuacións deberá ser igual ou superior a 6.000 euros, e inclúe obras que supoñan un incremento da largura da vía, o reforzo do firme e terrapléns ou a limpeza das marxes. Quedan excluídas, en cambio, as actuacións en rúas interiores, dentro dos núcleos de poboación

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo