Como cada primeiro xoves e venres de mes, Os Microefectos Dramatúrxicos voltan ao Clube Clavicémbalo en sesión de tarde e noite. O colectivo pon en escena pezas teatrais de 15 minutos de duración máxima que nos contan historias da vida mesma para rir, chorar ou o que sexa, cunha escrita directa e actual, que cada mes prácticamente completa o aforo do Clavi. Todas as obras son estreas escritas, dirixidas e interpretadas polos diferentes membros do grupo, nun intento de fomentar a dramaturxia propia.
Os diferentes pases terán lugar mañá xoves día 5 e venres 6 de novembro cos seguintes horarios: xoves 20:30 e 22:30 e venres 20:30.
PEZAS
Ás veces escoito voces: escribe e dirixe Conchi Madrina. Interpretan: Anxo Manoel e Conchi Madrina.
Biografías imposibles: 15 minutos con Freud. Escribe e dirixe Isa Herrero. Interpretan Brian Rodríguez e Rubén Pérez.
Frank: dirixe e escribe Germán Frasio e Brian Rodríguez. Interpretan Germán Frasio, Brian Rodríguez e Elvira Velasco.
Extrarradio familiar: escribe e dirixe Brian Rodríguez. Interpretan Germán Frasio, Isa Herrero, María Grandío e Anxo Manoel
