Como cada primeiro xoves e venres de mes, Os Microefectos Dramatúrxicos voltan ao Clube Clavicémbalo en sesión de tarde e noite. O colectivo pon en escena pezas teatrais de 15 minutos de duración máxima que nos contan historias da vida mesma, para rir, chorar ou o que sexa, cunha escrita directa e actual, que cada mes prácticamente completa o aforo do Clavi.
Case todas as obras son estreas escritas, dirixidas e interpretadas polos diferentes membros do grupo. Os diferentes pases terán lugar os días 1 e 2 de outubro do 2015 cos seguintes horarios: xoves 20:30 e 22:30 e venres 20:30.
PEZAS:
Fuga dos heroes: escribe e dirixe María Grandío. Interpretan: Brian Rodríguez, Germán Frasio e Conchi Madrina.
Biografías imposibles: Robert Prosinecki. Escribe e dirixe Anxo Manoel. Interpretan Anxo Manoel, Isa Herrero e Rubén Pérez
Paus de cego: dirixe Rubén Pérez. Interpretan Elvira Velasco e Brian Rodríguez.
Fronteras: escribe e dirixe Elvira Velasco. Interpretan Brian Rodríguez, Elvira Velasco, María Grandío e Germán Frasio.
