" />

Miñones aposta polo diálogo, respaldado polo Goberno, para garantir o emprego e a actividade de Alcoa

O delegado do Goberno, José  Miñones, apostou hoxe polo diálogo para acadar unha solución que  garanta o emprego en Alcoa. Valorou así as negociacións abertas esta  semana entre a multinacional e o comité de empresa que contan co total  respaldo do Goberno, a través do Ministerio de Industria, Comercio e  Turismo e destacou “o papel e a implicación da propia ministra, Reyes  Maroto, que nos permitiu chegar ata aquí”.

José Miñones amosou a súa confianza en que esta nova etapa de diálogo permita asegurar o emprego e a actividade industrial na comarca da Mariña. Explicou que “desde o Goberno mantemos o diálogo aberto coa empresa, e esa é a boa noticia, porque mentres haxa diálogo hai posiblidades de chegar a unha solución satisfactoria para todas as  partes”.

“A nosa prioridade absoluta é manter o emprego e estar ao lado dos traballadores, como sempre fixemos”, destacou o delegado do Goberno. Por iso, o delegado agradeceulles que “na última reunión eles mesmos valoraron o esforzo que estamos realizando desde o Ministerio para acadar un acordo”.

O delegado lembrou ademais, que o Goberno pediulle á empresa información “que nos dea garantías e esperamos seguir avanzando no bo camiño nas próximas reunións”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo