As delegadas e delegados de CCOO, primeiro sindicato das Administracións públicas, mobilizaronse en todo o Estado para esixir a mellora dos servizos públicos e o respecto á negociación colectiva para recuperar dereitos do persoal do sector público.
Canto aos servizos públicos, CCOO demanda a recuperación do gasto social anterior á crise económica para achegarse aos países da contorna e, sobre todo, garantir os dereitos da cidadanía. Na mesma medida, o sindicato esixe mellorar as condicións laborais.
As federacións da Área Pública de CCOO (Ensino, FSC, Sanidade) recrimínanlle ao Goberno o incumprimento dos compromisos adquiridos co sindicato respecto da recuperación do poder adquisitivo, creación e estabilización de emprego, negociación colectiva, recuperación e extensión da xornada de 35 horas, desenvolvemento do Estatuto Básico do Empregado Público e medidas de corresponsabilidade, igualdade e conciliación, entre outras cuestións.
