" />

Morre unha muller e un home resulta ferido nun accidente en Quiroga

Unha muller faleceu e un home resultou ferido na mañá de hoxe ao sufrir unha saída de vía co vehículo que viaxaban ao circular pola N-120, na estrada que une as localidades de Monforte e Quiroga, na provincia de Lugo.

O 112 Galicia tivo constancia dos feitos tras recibir a chamada de alerta dunha persoa particular cando estaban a piques de dar as once horas. Segundo a información facilitada pola testemuña do sinistro, o coche saíuse da vía e chocou contra unha das barreiras de seguridade da estrada.

De inmediato, os xestores do Centro Integrado de Atención ás Emerxencias (CIAE) 112 Galicia puxeron a situación en coñecemento dos profesionais de Urxencias Sanitarias de Galicia-061, dos Bombeiros de Monforte de Lemos e dos membros do GES de Quiroga. Debido á gravidade das lesións sufridas polos ocupantes do turismo, o equipo médico comunicou a mobilización do helicóptero medicalizado con base en Ourense.

Unha vez no punto, os equipos de emerxencia confirmaron ao 112 que o condutor do vehículo puido abandonalo polo seus propios medios pero, desafortunadamente, a outra ocupante resultou falecida.

Cómpre sinalar que os xestores do 112 Galicia solicitaron a intervención dos axentes da Garda Civil de Tráfico para garantir as condicións de seguridade na vía. Igualmente, pasouse aviso aos efectivos de protección Civil de Quiroga e do servizo de mantemento das estradas por se fose necesaria a súa colaboración.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo