" />

Musavisitas e obradoiros en feminino durante o mes de marzo na Rede Museística Provincial

Durante o mes de marzo, a  Rede Museística Provincial desenvolverá unha nova edición do programa Musavisitas, visitas gratuítas e guiadas aos diferentes centros da rede que, nesta ocasión, terán como fío conductor a representación e recoñecemento das mulleres.

As actividades comezaron onte e repetiranse todos os domingos do mes, cos seguintes horarios: no Museo Provincial de Lugo, ás 11.30 e 12.30 horas; no Pazo de Tor, ás 11.00, 12.30, 16.30 e 18.00 horas; no Museo Fortaleza de San Paio de Narla, ás 12.00 e 17. 00 horas; e no Museo Provincial do Mar de San Cibrao, ás 12.00 e 17.00 horas.

Os sábados, os centros da Rede ofrecerán, con concertación previa, obradoiros para familia baixo o título “Historia en feminino” nos que as persoas participantes traballarán sobre fotografías ou textos relacionados co papel das mulleres na historia familiar.

A Rede Museística reforza así, no mes das reivindicación feministas por excelencia, o traballo en favor da igualdade de xénero que realiza durante o ano, tanto na programación expositiva como nas propostas didácticas.

As Musavisitas e os obradoiros forman parte ademais da axenda de actividades que a Rede organizará arredor do Día Internacional dos
Museos 2020, que este ano se artellarán baixo o epígrafe “Museos pola igualdade: diversidade e inclusión” e que se desenvolverán durantes os meses de marzo, abril e maio.

“Esquecín que te esquecín”

O vindeiro venres 6 de marzo inaugúrase na Sala de Exposicións do Pazo de San Marcos a exposición “Esquecín que te esquecín”, comisariada polo colectivo de mulleres artistas Blanco, Negro y Magenta.  A mostra, que incorpora pezas de 24 artistas, pretende sensibilizar sobre o alzhéimer desde diferentes perspectivas, e atende especialmente ao desgaste físico e emocional que sofren as persoas coidadoras, maioritariamente mulleres.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo