" />

Nadal máxico no Concello do Incio

O Concello do Incio programa tres espectáculos de maxia para este Nadal. O Goberno local completa así a programación cultural e lúdica para estas datas.

A primeira das actuacións será o día 23 de decembro co mago Samuel Moreno, concursante do programa de televisión Got Talent. Ás 19:00 horas no multiusos do Concello.

A segunda será o día 29 de decembro co mago Lolo no Val do Mao ás 19:00 horas. E a terceira está prevista para o 30 de decembro co mago Rafa ás 19:00 horas en Vilademouros.

As actuacións, de carácter gratuíto, están pensadas para todos os públicos. Ademais destas actividades, o Concello do Incio puxo en marcha un concurso de debuxo infantil, ao que sumou un torneo de futbolín e unha clase maxistral, que se vai celebrar o día 29 de decembro. Este mesmo sábado programou un concerto de Lucía Pérez na Igrexa do Hospital ás 19:00 horas.

Trátase, en palabras do rexedor, “de ter unha oferta cultural e lúdica no noso Concello da que poidan gozar os nenos e nenas e tamén os adultos”, precisa.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo