Novo paso atrás no avance da Covid con suba na presión asistencial

A suba da presión asistencial nos hospitais é sempre o reflexo de varios días consecutivos de aumento de casos activos, e do ritmo de contaxio. E así ocorre hoxe tamén.

Segundo informa o SERGAS no seu último informe, con datos recabados ata as 6 da tarde de onte, Lugo suma xa 1377 casos activos, 35 máis que na xornada anterior. E malia que parece un aumento significativo, o certo é que esta suba e moito menos importante que a de días anteriores que tendían a superar os 50 casos novos diarios.

Con todo, ao descenso das altas médicas (tan só 67 na última xornada, fronte ás preto de 90 do día anterior) hai que sumar tamén o elevado número de positivos detectados, 101 nas últimas 24 horas. En total, dende o inicio da pandemia 18.712 veciños de Lugo resultaron infectados polo coronavirus, dos cales 17.098 xa poden dicir que superaron a enfermidade.

E todo isto, como diciamos tradúcese hoxe nunha xornada de aumento da presión asistencial. E é que os pacientes en plantas de hospitalización chegan de novo aos 30, unha cifra que levaba varias xornadas en descenso. Tamén a ocupación da UCI do HULA hoxe suma un novo paciente covid.

Por hospitais, o HULA rexista 24 pacientes (5 máis que onte), o Hospital da Costa mantense con 3, o mesmo número que rexistra o Hospital de Monforte que hoxe amencía cun paciente covid menos que na xornada anterior.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com