O vindeiro domingo 21 de abril, a delegación de Lugo de Adega, no marco do programa de roteiros “As montañas gardiás da nosa historia”; achegaráse ata a aldea Liñares de Vidul, nun percorrido a través de antigos sendeiros que permitirá aos participantes ollar Asturias dende a Fonsagrada.
A xornada comezará cunha visita ao Museo Etnográfico da Fonsagrada. Dende alí o autobús, trasladará a todasa as presoas que vaian facer o roteiro ao punto de inicio, na aldea de Liñares de Vidul, onde comezará a ruta por antigos sendeiros, con lugares abandonados e fermosos bosques de vexetación autóctona, construcións tradicionais como ouriceiras ou ferrerías. Para seguir logo polo agora abandonado lugar de Ludeiro, con restos de adegas antigas e fornos de fundición de ferro. A andaina comntinuará cara á cola do encoro de Grandas de Salime, pola variante de Riodeporcos, bonita vila asturiana á que accederán a través dunha ponte colgante. Seguindo o curso do río, se o caudal o permite, para chegar a Fornaza, onde o autobús agarda para emprender o regreso.
O percorrido é duns 10 Km e de dificultade media debido ás pendentes de baixada. O autobús sairá ás 09:00h dende Lugo e estará de volta sobre ás 19:00h (o horario de regreso pode variar).
Os roteiros de Adega-Lugo están abertos á participación de público de todas as idades, aínda que os socios e socias de Adega gozán de desconto no prezo, así como as persoas que están estudando, en situación de desemprego ou os menores de 14 anos.
+Info: (https://roteirosadegalugo.wordpress.com/)
