Nos últimos días caeron anacos de formigón “poñendo en risco a seguridade dos lucenses”. Ante esta situación axentes da Policía Local tiveron que acordonar varias zonas da ponte “e o peor é que non é a primeira vez que sucede algo así, xa que hai anos caeron varias pezas metálicas”, tal e como sinalou Antonio Ameijide, portavoz do PP no Concello.
Ameijide lamenta “a falta de mantemento que se realiza sobre a Ponte Branca, que a día de hoxe segue no limbo xa que nin o Concello de Lugo nin o Ministerio de Transporte, Mobilidade e Axenda Urbana (antes coñecido como Fomento) fanse responsables da infraestrutura, xa é coñecida como a ‘Ponte Verde’ sobre o Miño debido á ausencia total de mantemento”.
