O BNG aproba a candidatura ao concello de Lugo para as eleccións municipais

A asemblea local do BNG en Lugo aprobou a única proposta de candidatura presentada para concorrer ás vindeiras eleccións municipais do mes de maio. Rubén Arroxo encabezará a candidatura que estará pechada por Suso Méndez (Suso de Navia). Arroxo sinalou que “a presenza de Suso Méndez é un recoñecemento aos 42 anos de entrega ao nacionalismo e ao seu traballo en diversas plataformas como a das preferentes en Lugo”.

O BNG xa presentara, a mediados de decembro, o primeiro tramo da candidatura e agora complétanse os nomes das 25 persoas que conformarán a candidatura. Arroxo destacou, tamén, “a incorporación de mocidade e de persoas que teñen unha recoñecida traxectoria profesional en diversos ámbitos”. A candidatura do BNG está formada por 25 persoas e destaca a implicación social de gran parte das integrantes e a súa participación en movementos culturais, veciñais, sociais e sindicais.

“Buscamos que estivesen representados diferentes sectores profesionais e contar cunha variada presenza de persoas vencelladas a colectivos sociais”, dixo Arroxo e sinalou a inclusión na candidatura de persoal da sanidade, funcionarios, deportistas, persoas xubiladas, profesionais independentes, autónomos, persoal do ensino e da universidade, estudantes, etc…

Lista

  1. Rubén Arroxo Fernández
  2. Maite Ferreiro Tallón
  3. Alex Penas Roibás
  4. Cristina López Fernández
  5. Felipe Rivas Jorge
  6. Alexandre Espiño Castro
  7. Beatriz Cedrón Vilar
  8. Carme Salvadores Cobas
  9. David Vázquez Vázquez
  10. Iria Buide Pena
  11. Fran Ulloa Prado
  12. Sandra Sánchez Pérez
  13. Xosé Paz Fernández
  14. Rexina Álvarez Prada
  15. Xosé Luis Varela Piñeiro
  16. Esther López Rodríguez
  17. Daniel Cabana Yáñez
  18. María Carme Longarela Pena
  19. Fernando Fernández Fernández
  20. Maria do Carme Pérez Arias
  21. Avelino Basanta Regueira
  22. Elva Sobrado Abraira
  23. Benigno Ruiz Nogueiras
  24. Esther Gómez Fórneas
  25. Xesús Méndez Rodríguez

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com