O “Colectivo Gastrónomos del Yumay” fallou os premios Comensal de Honra Álvaro Cunqueiro

A Delegación Territorial da Xunta en Lugo acolleu hoxe a publicación do fallo dos premios Comensal de Honra Álvaro Cunqueiro, que concede o colectivo asturiano Gastrónomos del Yumay.

A secretaria territorial da Xunta, Marta Barreiro, recibiu aos representantes da entidade gastronómica e á presidenta do Lar Galego de Avilés, Ana Fernández Grela, e participou na presentación dos premios xunto cos responsables de Gastrónomos del Yumay, Lola Sánchez e Justo Castrillón, entre outros.

Na presente edición, os persoeiros galardoados foron o novo secretario Xeral de Pesca do Ministerio de Agricultura e Pesca, Alberto López-Asenjo; a alcaldesa de Lugo, Lara Méndez,  e Miguel Pampín Rúa, Gran Mestre do Camiño de Santiago.

A secretaria territorial, Marta Barreiro, aplaudiu o labor que realiza este colectivo gastronómico de Avilés axudando na difusión da figura do gran escritor, xornalista e gastrónomo nado en Mondoñedo, e fomentando a veciñanza entre Asturias e Galicia.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com