O Concello abre un expediente ao local de ocio nocturno da rúa Fleming

A alcaldesa de Lugo, mantivo unha reunión coa veciñanza de Dr. Fleming que solicitou esta xuntanza coa rexedora para abordar a difícil situación que están a vivir os e as residentes desta rúa polos ruídos e altercados vinculados cun local de ocio nocturno alí instalado.

Lara Méndez escoitou as demandas das persoas afectadas que lle trasladaron a imposibilidade da veciñanza da zona para poder durmir as fines de semana, os prexuízos que isto lles estaba a ocasionar ás crianzas e ás persoas maiores, principalmente, e tamén como as liortas na rúa son numerosas debido ao estado etílico da clientela, polo que moitos veciños tiñan medo de saír fóra das súas vivendas.

O Concello abriu xa un expediente a este establecemento de ocio nocturno, que conta con varias denuncias tramitadas pola Policía Local.

Méndez, pediulles, “sabendo que non é fácil”, un pouco de paciencia. “Manter a presión policial é só unha solución temporal, mais vivimos nun estado garantista e cómpre agardar á finalización dos procesos aínda que non avancen todo o rápido que nos gustaría”, aclarou.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com