" />

O Concello cualifica de “éxito” a XX edición do Arde Lucus

A Alcaldesa de Lugo, Lara Méndez, fixo este martes un balance “moi positivo” da XX edición do Arde Lvcvs que definiu como un “éxito”. A festa de recreación histórica tivo lugar dende o pasado xoves ata o domingo, e “houbo xente” pero non “aglomeracións” sinalaba a rexedora, que tamén destacaba o bo funcionamento das actividades incluídas nunha programación 100% segura, con control de aforo, circuítos de entrada e saída ou cálculo de visitantes.

A climatoloxía non conseguiu deslucir a festa, e aínda que houbo que cambiar a ubicación dalgún acto, os asistentes acudiron de igual modo á convocatoria. A ocupación hoteleira chegou a estar preto do 88%, porcentaxe especialmente importante nun momento de dificultades económicas derivadas pola pandemia.

A rexedora destacou o alcance social, turístico e económico incidindo que Arde Lucus é un dos motores imprescindibles para axudar ao desenvolvemento da nosa cidade e para que cada vez mais xente nos coñeza e nos visite vía presencial ou vía online como nesta edición na que a través das redes sociais chegamos a preto de 500.000 persoas de España, Portugal, Bolivia, Estados Unidos, Arxentina, Italia ou Reino Unido….

A rexedora subliñou a implicación total do pobo de Lugo e concretamente das asociacións que recibiron máis de 2.500 asistentes por campamento, Méndez destacou que “os asistentes foron responsables respectando en todo momento as medidas de seguridade e destacar a implicación das 19 asociacións que se volcaron novamente con esta festa de recreación histórica que volveu a tinguir ás rúas de Lugo, de historia e do noso pasado” cumprindo de maneira exquisita deste xeito as expectativas do Goberno.

Outro dato que da idea da dimensión que acadou a festa foi o incremendo nun 15% de toneladas de lixo que recolleu Urbaser das rúas da cidade dende o pasado xoves.

Póla súa banda o edil de Xuventude anunciou, que trás o éxito desta edición “comezaremos a traballar na vindeira edición cas miras postas en que sexa declarado Festa de Interese Turístico Internacional.

A rexedora agradeceu ás 19 asociacións participantes, a súa implicación tanto na organización das actividades que englobaron estes festexos, ao longo destes 4 días como o resto do ano.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo