" />

O Concello insta á Xunta a limpar a Muralla e cumprir as súas obrigas en prol da conservación deste Ben Mundial

O Concello de Lugo insta á Xunta de Galicia a limpar a Muralla e cumprir, así, coa súa obriga de mantemento deste Ben Mundial. Deste xeito o trasladou o tenente de alcaldesa e portavoz do Goberno municipal, Miguel Fernández, solicitando ao executivo autonómico que acometa a realización dos traballos ordinarios de conservación da Muralla.

Neste senso, o tamén concelleiro de Medio Ambiente, lembrou que a Consellería de Cultura e Turismo ostenta as competencias de tutela e protección sobre o monumento bimilenario “que, nestes momentos, presenta un estado moi deficitario con relación ao seu aseo, especialmente no adarve, que se atopa cuberto de herba e dunha cantidade inxente de maleza”.

Fernández deu conta de que “o desleixo é absoluto, como así o constatan as numerosísimas queixas cidadáns que recibimos ao respecto, manifestando a preocupación polo extremo ao que se chegou en moitos dos cubos onde toda, ou a maior parte da superficie peonil, está cuberta de herba e sucidade, dificultando a mobilidade, o que resulta indigno para un Ben coma este”.

“Dende a institución local pedímoslle, por tanto,que inicie canto antes, a retirada de toda esta vexetación da Muralla, para evitar o seu deterioro contribuíndo, asemade, á mellora da súa imaxe que, estamos seguros, redundará igualmente na percepción do conxunto da cidade”, abondou Miguel Fernández ao tempo que afeou o deixamento da Xunta xusto nun momento tan importante coma este, “cando comezan a diminuír as restricións sanitarias e agardamos a chegada do turismo, tan necesario para a recuperación económica da cidade”.

O responsable de Medio Ambiente apelou ao ente galego a asumir tamén o mantemento das zonas axardinadas sitas ao pé da construción romana, “que dende hai moito tempo e, en prol do interese xeral e da conservación do conxunto da cidade realizamos dende o Concello, sen que sexa unha competencia municipal”, engadiu Fernández.

Novas relacionadas

  1. Anónimo
    Xuñ 22, 2021 - 10:32 PM

    Paseas por el Adarve y es como pasear por una Corredoira de cualquier Aldea, los Muros y Cubos exteriores parecen un Jardín vertical hecho Monte. Qué vergüenza la dejadez de la Xunta del PP hacia la Muralla todos los veranos, cuando más presentable debería de estar para los turistas.

    Reply
    • Anónimo
      Xuñ 23, 2021 - 11:17 AM

      Luis Díaz yo diría dejadez hacia Lugo y provincia.

      Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo