O Concello instalará “solucións técnicas” para evitar o perigo do carril bici na Volta da Viña

O Concello de Lugo vén de responder ás advertencias realizadas polo Partido Popular de Lugo en relación ao trazado do Carril Bici ao seu paso pola Volta da Viña que os populares tildaban de “perigoso”. O Goberno local trasladaba nun comunicado aos medios que, malia que o traxecto da senda ciclista discorre pola marxe do noiro, a súa configuración xa estaba prevista e contempla a creación dunha cela de drenaxe que se instalará por debaixo de todo o carril como solución técnica á escorrentía que presenta a zona.
“En calquera caso, as obras non están aínda rematadas restando, entre outros traballos, os correspondentes coa sinalización da propia senda e das dotacións que inclúe no seu percorrido”, explican dende o concello.
Unha vez máis, o Executivo local lamenta que o Partido Popular “centre o seu labor en crear alarmismos infundados que só se basean na súa propia falta de traballo” porque, de ter consultado esta cuestión previamente, din dende o Concello, os técnicos municipais lles poderían ter explicado os pormenores do proxecto.
Sinalan, ademáis, dende o Concello, que o Goberno deu conta desta iniciativa enmarcada na Estratexia Dusi –  Muramiñae –  aos grupos da Corporación xa no ano 2018 e que, “nese momento, cando aínda se podían facer modificacións á mesma, ningún partido presentou propostas ou achegas nin tampouco alegacións para corrixir algún dos aspectos que recolle”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com