" />

O Concello mellora o firme dunha estrada na parroquia de San Martiño de Piñeiro

O Concelleiro de Cohesión Territorial, Miguel Fernández, supervisou esta mañá as tarefas de rexeneración do firme da estrada que vai dende A Silva, na parroquia de San Xoán do Campo, e que discorre a través da parroquia de San Martiño de Piñeiro, chegando ao límite do termo municipal de Guntín, por un importe total de adxudicación que ascende a 109.145,60 euros, financiados entre o Concello e a Deputación de Lugo.

Esta actuación enmárcase dentro do Plan Único Provincial de Cooperación cos Concellos do ano 2020 e beneficia a veciños das parroquias de San Xoán do Campo e San Martiño de Piñeiro. Os traballos consistiron na rexeneración do firme con aglomerado en quente, limpeza de cunetas, mellora das canalizacións de auga, así como o próximo pintado da sinalización horizontal e a instalación da correspondente sinalización vertical.

A intervención ten por obxecto mellorar as comunicacións de varios núcleos nos que, coas obras desenvolvidas, se garante a seguridade da circulación en puntos tan transitados, Miguel Fernández destacou que “estas actuacións responden ás peticións veciñais existentes nas parroquias e enmárcanse na decidida aposta do Concello polo rural, para fixar poboación e mellorar os servizos e a calidade de vida dos seus veciños e veciñas”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo