" />

O domingo 130 ciclistas percorrerán a I Ruta dos Cabaleiros de Santiago

Dentro dos actos do Bicentenario da institución municipal de Paradela, este domingo vaise celebrar a Ruta cicloturista BTT “I RUTA DOS CABALEIROS DE SANTIAGO”, dentro do territorio deste Concello que é fito do Camiño Francés a Compostela.

Para esta ruta hai inscritos 130 ciclistas que van percorrer un total de 34 quilómetros, comezando por un anaco da Ruta do Loio, pasando por San Martiño de Castro para continuar cara a San Facundo, para percorrer logo a Ruta Camiño Vello de Aldosende e despois subir cara a Penarredonda, continuar cara a Nai subindo o Alto de Bidueiro e despois continuar a A Serra para finalmente percorrer os camiños do Monte de Lagüela e rematar na capital do concello.

A entrega de dorsais vaise efectuar ás 8,30 da mañá no Mercado Gandeiro de Paradela. Desde o Mercado efectuarase a saída ás 9,30, pasando xa ao comezo os participantes xunto da estatua homenaxe aos CABALEIROS DE SANTIAGO, erixida con motivo dos douscentos anos do Concello de Paradela, por ter nacido esta orde de Cabaleiros defensores do Camiño e dos Peregrinos no Mosteiro paradelense de LOIO.
Os ciclistas disporán de duchas, lavado de bicis, avituallamento no percorrido e servizo médico. E o Concello de Paradela ofreceralles uns pinchos ao remate do percorrido.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo