" />

O GMPP propón un itinerario peonil para comunicar o parque Marcos Cela co Miño

O Grupo Municipal do Partido Popular presentará unha iniciativa en pleno para que o goberno socialista de Lugo “acondicione un paso seguro e accesible que comunique o parque Marcos Cela co Miño á altura da Volta da Viña”.

O voceiro popular solicita que os servicios técnicos de enxeñería municipal estudien opcións viables para crear un itinerario peonil “tratase de dar alternativas para os usuarios dos barrios de Fingoi e Aceña de Olga que utilizaban as escaleiras do parque, agora bloqueadas cunha valla, para baixar ata a Ponte Romana e ata a zona de esparcemento e deportiva do recinto ferial”.

O popular plantea que se constrúa unha beirarrúa, cun tramo en voladizo sobre a N-VI, que comunique as escaleiras do parque Marcos Cela coas vivendas que están na estrada de Santiago xunto ao balneario. “A intervención debería contemplar sistemas de protección como vallas e pasos de peóns. Tratase de dar continuidade e unha comunicación directa para potenciar o rio, pechalo temporalmente pode ser acertado sempre que se busque unha alternativa de paso segura”.

O voceiro dos populares manifestou que “polas decisións que adopta a nova alcaldesa ponse de manifesto que vai ao máis rápido e cómodo e que non mostra ningún interese en buscar solucións a unha necesidade”.

Jaime Castiñeira indicou que esta intervención non debe ser algo illado senón que debe formar parte dun proxecto integral de cidade onde se potencien os itinerarios peonís. Nese senso puxo de manifesto que “sería positivo que, dende o primeiro momento, se marcasen uns criterios básicos para dar uniformidade a este tipo de actuacións seleccionando o pavimento dos sendeiros peonís, a sinalización, mobiliario urbano, equipamentos e sistemas de protección”.

Por último Castiñeira recriminou que as escaleiras da Volta da Viña, deseñadas dos anteriores gobernos socialistas quedasen inacabadas xa que “nunca se garantiu a seguridade dos peóns que cando baixaban as escaleiras daban a unha cuneta, sen ningún tipo de sistema de protección”, concluíu.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo