Membros do Goberno local veñen de presentar as conclusións resultantes do estudo de mobilidade iniciado no mes de setembro, cando se realizaron medicións de fluxo de tráfico na instersección entre a Ronda da Muralla e a Avenida da Coruña. O tenente de alcalde indicou que ” este estudo analizou as necesidades ao respecto da mobilidade na zona, ademais das vantaxes e desvantaxes das actuacións que o propio estudo propón”.
O goberno deixou claro que “actualmente estamos a analizar todas as posibilidades a desenvolver na zona para avanzar de cara á total peonalización do centro da cidade”, e engadiu que “temos o obxectivo político claro, mais agora debemos traballar tendo en conta todas as posíbeis solucións e actuacións a desenvolver”.
“Os resultados do estudo avalían positivamente a creación dunha rotonda neste espazo, adaptando as infraestruturas existentes a esta nova distribución do tráfico”, aclaran dende o goberno, “dno futuro permitiría, no momento no que se avance de cara á peonalización do casco histórico, o acceso ao aparcadoiro da praza de Ferrol por San Fernando”. Ademais, segundo indicou Rubén Arroxo, “facilitaría tamén a transición de cara a unha futura unidireccionalidade da Avenida da Coruña”.
