" />

O Incio percorre o mundo a través dunha postal

O Concello do Incio promociónase polo mundo a través dunha postal na que se pode ver a imaxe nevada da igrexa de San Pedro Fiz do Incio. A foto foi feita por Tariq Dajani, da Casa da Cabaza.

O Goberno local fixo entrega de 800 exemplares desta postal cos calendarios locais de 2020 que tamén repartiu entre os veciños e veciñas. A idea é que envíen a postal, que leva o franqueo pagado, a familiares e amigos que vivan ou estean polo mundo e que estes lles manden a foto de volta dos lugares aos que chega.

“É unha maneira máis de seguir dando a coñecer O Incio”, explica o alcalde, Héctor Corujo, “e de que as persoas ás que lles chega a postal, por lonxe que estean, queiran vir a coñecernos. Un reclamo máis do noso Concello”. As postais entregáronse nas datas de Nadal e xa comezan a chegar as primeiras fotos. O Goberno municipal invita aos veciños e veciñas a compartilas a través das redes sociais mencionando ao Concello, tanto no Facebook, como no Twitter ou no Instagram.

A primeira foto que recibiron da postal tivo como destino o país de Malta. Todas as postais recibidas serán difundidas a través das redes sociais co obxectivo “de ver o lonxe que pode chegar O Incio”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo