" />

O luns abre o prazo de inscrición das Aulas Abertas para as vacacións de Nadal

O vindeiro luns, día 13 de decembro, abre o prazo de inscrición das Aulas Abertas para as vacacións de Nadal.

Benestar Social ofrece un total de 120 prazas para o Nadal, explicou a Concelleira, ao tempo que explicou que as Aulas Abertas de desenvolverán en dúas quendas: unha primeira os días 26, 27, 28, 29 e 30 de decembro e outra os días 2, 3, 4 e 5 de xaneiro. É dicir hai 20 prazas por centro e por quenda.

As familias interesadas poderán presentar a súa solicitude do 13 ao 15 de decembro, ambos os dous días incluídos, ben de xeito presencial – entre as 09:00 e as 13:00 horas no centros de convivencia Uxío Novoneyra e Milagrosa, ben a través do enderezo electrónico aulasabertas@lugo.gal.

As solictudes poderanse descargar a través da páxina web do Concello de Lugo: www.concellodelugo.gal, dentro do apartado Animación Sociocultural http://concellodelugo.gal/gl/actuacions/programa-gl-animacion-sociocultural a partir das 09.00 horas do día 13.

As prazas serán adxudicadas por rigorosa orde de inscrición e o listado de persoas admitidas publicarase o día 20 de decembro. A matrícula deberá formalizarse entre os días 21 e 22 de decembro, cubrindo o formulario modelo 603 de pago de taxas: http://www.lugo.es/Modalidad3/Autoliquidacion?modelo=603 , efectuando o abono da mesma e entregando o xustificante no centro de convivencia correspondente.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo