" />

O Pleno esixe á Xunta que manteña as ensinanzas de ESO e BAC no IES Val do Asma

O Pleno provincial aprobou por unanimidade a proposta impulsada polo BNG para reclamar á Xunta de Galicia que rectifique a súa previsión de suprimir as ensinanzas de ESO e BAC no IES Val do Asma de Chantada, que cursan 128 dos 188 alumnos e alumnas do centro.

No debate da proposta, a vicepresidenta da Deputación expuxo no pleno as consecuencias desta decisión, que suporía reducir a oferta do centro á Formación Profesional e agrupar o resto do estudando no IES Lama das Quendas que, segundo explican desde a comunidade educativa, xeneraría unha masificación das aulas xa que o centro non ten a infraestrutura precisa para acoller a outros 128 alumnos e alumnas.

A Deputada valorou as intencións da Xunta de Galiza como “un paso máis no calendario do Partido Popular para desprestixiar e desmantelar o ensino no rural”, e comprometeu o apoio do goberno provincial e “do BNG ás accións e mobilizacións da comunidade educativa en defensa da calidade do ensino público”, pedindo á Xunta de Galicia “que escoite ás familias e ao profesorado”, con representantes nas bancadas da sala do Pleno.

A proposta , presentada como iniciativa de goberno, reclama que as reordenacións da oferta educativa en Chantada vaian encamiñadas a continuar avanzando na súa mellora e que non implique o peche de centros, nin a masificación do ensino, a que calquera cambio que se implemente no ámbito educativo da Secundaria ou da FP de Chantada, sexa posto en tempo e forma en coñecemento do conxunto da comunidade educativa; e que conte coa seu aprobación e a que poña en marcha medidas e accións que potencien, melloren e incrementen a oferta educativa da Formación Profesional en Chantada.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo