Presentados os carteis do san Froilán 2017 e do san Froilán Miúdo

Hoxe déronse a coñecer os carteis que anunciarán o san Froilán 2017 e o san Froilán Miúdo, o primeiro baixo o nome Polbo á pandeireta, representa o polbo, a noria e a música tradicional e o segundo, o do san Froilán Miúdo, Estrella del cielo, reúne os elementos máis emblemáticos da cidade e o máis característicos destas festas.

Trátase de dúas obras elaboradas por dúas mulleres luguesas, a cativa Zintia Fernández Villanueva e Erica Pereiro Silvosa, tal e como avanzou Basadre ao tempo que informou que os deseños do San Froilán Miúdo foron seleccionados por un xurado profesional composto polo profesor da Escola de Arte e Superior de Deseño Ramón Falcón, Alejandro Carro Rodríguez, o fotógrafo José Reigosa Piñeiroa e o deseñador Miguel Fernández Vázquez.

No que se refire ao cartel do San Froilán, celebrouse un concurso nas redes sociais e entre os dez que máis votos obtiveron dito xurado elixiu ao gañador.

O fallo produciuse este mañá no Salon de Comisións, onde se xuntaron os 64 traballos presentados polos máis cativos, 20 máis que a pasada edición, e os 10 finalistas dos adultos, entre os máis de 160 presentados, o dobre que o pasado ano. A gañadora, no caso dos adultos, recibirá un premio económico de 2.000 euros, e a cativa n premio adaptado á súa idade, valorado en 300 euros.

A edil de cultura, Basadre, amosou a súa satisfacción pola alta participación nestes dous certames que buscaban a imaxe oficial destes festexos que terán lugar do 4 ao 12 de outubro, e que na pasada edición deixaron en Lugo 12 millóns de euros e unha ocupación hoteleira que colgou o cartel de completo na fin de semana.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com