" />

O PP asegura que a ratio de alumnos por profesor do colexio das Nogais si cumpre coa RPT

O portavoz de Educación do Grupo Popular, Ovidio Rodeiro, afirmou onte no Parlamento galego que o colexio das Nogais conta cunha ratio de 7 alumnos por profesor, co que cumpre co recollido no catálogo de relacións de postos de traballo dos centros de ensino públicos, aprobado polo Goberno bipartito en 2007, para atender as necesidades educativas e de atención á diversidade dos alumnos matriculados neste centro de ensino.

Rodeiro lembrou que Galicia “é a comunidade autónoma de España que máis profesorado ten con respecto ao número de alumnos: 9,3 alumnos por profesor”, polo que destacou que no caso concreto do CEIP de As Nogais “aínda está por baixo desta ratio”.

O CEIP de As Nogais conta con 8 alumnos de educación infantil e 13 alumnos de educación primaria, atendidas cada unha por un mestre diferente. Ademais, neste curso dispón dun especialista de audición e linguaxe, co que se garante debidamente a atención ao alumnado con necesidades específicas de apoio educativo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo