" />

O PP non entende o “tiro no pé” de Méndez e Arroxo ao xudicialiar o concurso do lixo

O viceportavoz do Grupo Popular pregúntase cal é o motivo polo que PSOE e BNG actúan “no seu propio prexuízo e o dos lucenses e danse un tiro no pé ao levar a decisión do Tacgal sobre o contrato do lixo ao TSXG”.

Os populares afirman que “Méndez e Arroxo están a boicotear o concurso que eles mesmos sacaron a licitación e arríscanse a posibles indemnizacións millonarias no caso de que se resolva que a postura do Tacgal é a correcta”. Ameijide pregúntase “que intereses ocultos teñen socialistas e nacionalistas para xudicializar o pronunciamento do Tacgal.

Para os populares “con esta decisión o único que conseguen é dilatar a posta en marcha do servizo e conseguir unha mellora da limpeza na nosa cidade”. Os populares explican que o atraso da adxudicación frea a reposición de contedores deteriorados, con tapas e pedais rotos; demora a reposición  de unidades nalgúns puntos que carecen de lestes dispositivos así como a ausencia do servizo para depositar aceite usado, entre outros aspectos.

O contrado de recollida de lixo é xunto co de transporte uno dos máis custosos para o concello de Lugo, leva caducado desde o ano 2017 e polo estamos a pagar mensualmente 570.000€ con reparos  de legalidade”. Con manobras como estas “moito temémonos que acabará o segundo mandato de Lara Méndez sen conseguir readjudicar este contrato”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo