O Concello de Lugo súmase á campaña A Hora do Planeta de Word Wildlife Fund, que se celebrará o vindeiro sábado, día 28 de marzo, entre as oito e media e as nove e media da noite. Nese momento, o Concello apagará o alumeado da Muralla romana para concienciar aos lucenses do grave problema que supón o cambio climático e na defensa do medio ambiente.
A Hora do Planeta é a maior chamada á acción na que se pretende implicar a máis de mil millóns de persoas e mobilizar a 7.000 cidades do mundo para demostrar o apoio global á acción contra o cambio climático, co apagado das luces dos seus principais edificios e monumentos.
En España xa son máis de 160 as cidades adheridas á campaña e preténdese chegar a superar a cifra de 260 concellos, neste apagón simbólico dos principais monumentos ou edificios públicos.
